Në muajin shkurt të vitit 2003, Betim Gashi në moshën 18 vjeçare, për herë të parë hapi studion e bukurisë "Passion", në lagjen Lakrishte të Prishtinës. Në fillim kjo studio ishte e përbërë vetëm nga Betim Gashi dhe Ferdane Kelmendi. Mirëpo profesionalizmi, korrektësia dhe mikpritja e tyre bëri që të kenë një numër të madh të klientëve të cilët kujdesin për bukurinë e tyre ia besuan kësaj studioje. Studio e bukurisë “Passion”, pas një pune të gjatë, me datën 21 të muajit qershor në vitin 2004 publikoi edhe katalogun e frizurave "Passion", ku ishin të përfshirë mbi tetëdhjetë stile të ndryshme të flokëve. Ishte katalogu i parë në të gjitha trevat shqiptare, si në Kosovë, Shqipëri, Maqedoni dhe në Mal të Zi. Origjinaliteti, stilet interesante, prezenca e shumë fytyrave publike dhe shumë faktorë të tjerë bënë që katalogu të ketë sukses qysh nga dita e parë e promovimit të tij. Me kërkesat e shumta të klientëve dhe në mungesë të hapësirës, në muajin maj të vitit 2005 studio e bukurisë "Passion" ndërroi lokacionin, duke kaluar kështu në një bulevard mjaft prestigjioz të Prishtinës, bulevadin "Bill Clinton", ku gjendet edhe sot. Një studio e pajisur me dhjetë karrige pune dhe me një numër të madh punëtorëve të cilët ofrojnë shërbime të ndryshme bëri që numri i klientëve të rritej edhe më shumë. Që të jenë sa më afër klientëve, Betim Gashi në shkurt të vitit 2006 hapi edhe studion e dytë të bukurisë "Passion", në qendër të Prishtinës. Edhe kjo studio, poashtu është e përbërë prej një numëri të madh të punëtorëve dhe ofron po të njejtat shërbime.
Duke marrë parasysh suksesin e katalogut të parë, studio e bukurisë “Passion” filloi punimet për katalogun e dytë i cili është shumë më i pasur me stile të flokëve dhe më atraktiv nga përmbajtja, duke ndryshuar edhe formatin, stilin dhe disajnin. Në të është e ndërthurur puna e shumë frizerëve nga Kosova, Shqipëria, Maqedonia si dhe ka modele të një frizeri me renome botërore nga Holanda, z. Rein Jagtenberg, e që e bëjnë katalogun të jetë më voluminoz dhe më i larmishëm. Po ashtu ka mbi 200 stile të flokëve dhe të grimit si dhe shumë këshilla të ndryshme për mirëmbajtjen e flokëve.

Pas kësaj pune të madhe, nga kërkesat e shumta të klientëve, rrjeti jonë hapi edhe dy studio tjera, njërën në Gjilan në rrugën e "Skenderbeut" tjetrën në Prishtinë në Bregun e Diellit "Rruga 2 lamela 8" .Në të dy studiot ofrohen shërbimet e njejta.

Studio e bukurisë "Passion" tenton që gjithmonë të jetë në hap me modën dhe me trendet e fundit të frizurave, mirëpo duke mos u larguar kurrë nga klasikja. Gjithmonë mundohen që klientit t'i përshtasin frizurën me stilin e tyre duke përdorur ide origjinale të tyre.