20 vjet pasion për bukurinë!
S’ka mu nal, për 20-vjetor krejt shërbimet i ki falë!
Të festojmë së bashku 20-vjetorin e themelimit të Passion, duke ju ofruar të gjitha shërbimet falas + shumë dhurata dhe surpriza të tjera!
Është moment i veçantë për ne që sot festojmë bashkë 20-vjetorin e themelimit të shtëpisë sonë të përbashkët – Passion!
Filluam me pak, por sot jemi shumë, jo vetëm me studio e staf, por edhe me kreativitet e profesionalizëm.
Në vitin e themelimit të Passion, më 24 shkurt – 2003, ishim një studio shumë e vogël, me vetëm disa karrige e pak staf, por sot jemi rrjeti më i madh i studiove të bukurisë në rajon.
Duam të falënderojmë shumë stafin e Passion për përkushtimin dhe punën e tyre unike e të palodhur, pa të cilët nuk do të ishim sot këtu.
Gjithashtu, falënderojmë të gjithë klientët dhe bashkëpunëtorët, të cilët kanë besuar në punën tonë dhe na kanë ndihmuar të rritemi gjatë këtyre dy dekadave.
Besnikëria dhe mbështetja juaj kanë pasur ndikim të rëndësishëm për suksesin tonë dhe ne jemi të përkushtuar që të vazhdojmë të ofrojmë shërbime cilësore me çmime të volitshme dhe mjedis mikpritës e të rehatshëm.
Për shkak të interesimit shumë të madh të klientëve dhe në mënyrë që të kenë mundësi të përfitojnë të gjithë, në 20-vjetorin e themelimit të Passion, më 24 shkurt – 2023, do të punojmë pa termine, duke u bazuar në renditjen e numrave, që do t'i pranoni nga stafi ynë, në kohën kur arrini në studio.
Ju ftojmë që të na vizitoni në të gjitha studiot tona, më datë 24 shkurt – 2023 dhe të jeni pjesë e festës me ngjyrat e Passion!
Filluam me pak, por sot jemi shumë!